敏感肌就梗係想用番天然護膚品,因為貪佢唔會搞到塊臉一撻撻啊嘛,但所謂既「天然護膚品」係咪真係冇化學成份呢?我地要搞清楚幾點!

1. 會唔會係100%天然啊?

其實市面大部分既護膚品都做品到100%全天然咖,原因大致分成3個:
1)植物如果係人種既,種植既時候有可能已經被加入殺蟲劑同化學肥料等等既物質,就算唔係直接加入護膚品,都有可能引起敏感咖。
2)好多天然既材料,都要被加工、穩定先可以加入護膚品。
3)配方入面如果有水份,就一定要防腐劑,先可以防霉抗菌! 


2. 天然成份就唔致敏?

如果你係咁諗就大錯特錯喇!This is not a must! 每個人既致敏原唔同咖,幾天然幾有機既成份都好,都會有人對某成份!所以你可以做既就係,遇到令自己敏感既成分,以後就要避免使用喇。 


 3. 有啲最容易令人敏感?

雖然每個人既致敏原唔同,但總有幾種成份就好似女人既公敵咁啊,個個都話唔想遇到,什至可能傷害皮膚!例如MIT防腐劑、甲醛釋放劑類防腐劑、礦物油、矽膠等等(哇背到小編口窒窒)。而酒精、維他命或者保濕劑呢,就本身其實對皮膚無害,但如果皮膚較脆弱既人用左,就可能會過敏喇。